فرح للكل
من وانا صغيروانا بدور على اني اكون سعيد
وانا عندي خمس سنين
كان سعادتي في اني اجيب كيس كاراتيه من الحجم الكبير لوحدي
وعيطت
لغاية ما امي ادتني عشر قروش
كان ساعتها مبلغ كبير
قبضت عليه بكل عزمي
ورحت عند دكان عم عيسى
وقلت له اديني كيس من الكبير
قالي مشاور ناسك
وكأني رايح اشتري قراط ارض
قلت له ايوه امي اللي مدياني العشر قروش
واخدت الكيس
وجري على البيت
كنت خايف عليه كأني شايل حلم بين يديا
ولما رحت البيت
لمست جوانب الكيس بيديا
وابتديت افتحه سنة بسنة
واخيرا
حبات الكراتية قدامي اخيرا
دار بخيالي كل الاعلانات بتاعة التليفزيون
ومع اول واحدة دابت في بقي
اكتشفت اني مش بحب طعم الكاراتيه
كان بطعم الجبنة الرومي المعفنة
كلت واحدتين تانيين
ومليش نفس اكمل
طلعت في الشارع
وفرقته للعيال
كانو مبسوطين بيه قوي
وبياكلوه بسعادة غريبة
على الرغم اني مكلتش منه حاجة خالص
الا اني كنت حاسس ان طعمه حلو
وكل واحد فيهم مادد يده بيقولي
اديني شوية تاني ياخي
مش انا صاحبك
فرقت الكيس كله
ومن ستر ربنا امي ما شافتنيش
والا كنت خدت علقة عشان الخساير اللي سببتها
***************
لما كبرت شوية
اتحرك معيار السعادة
من طعم العنب الاحمر عند عم اب الصاوي
الى طعم دولسيكا استيك من عند فتحي اب داوود
لقميص مشجر وبنطلون كروهات
كان موضه ساعتها
كان الواحد بيبقى فيه زي البلياتشو
لجزمة جلد
للبحث عن العدد الجديد من مجلة العربي الكويتيه
وقرايتها من الجلدة للجلدة
للفرجة على شوارع قنا بالليل
او الفرجة على الحريم العريانة في المجلات
للرغبة في السفر لمصر
والفرجة على شوارعها
وركوب المترو
اول مرة دخلت فيها سينما كانت سينما اوديون
(لغاية دلوقتي هيا المفضلة لدي كنوع من الحنين للذكريات الأولى)
اول مرة اشوف عرض مسرحي
كان في المسرح القومي
اول زيارة لسيدنا الحسين
كأي صعيدي بيعتبر ان زيارة القاهرة لا تكتمل الابه
وستنا السيدة زينب
ونفيسة العلم
واللي كانت زيارتها حدوتة لوحدها
اخويا وابن عمي كانو جايين لي من البلد
ليلة الخميس قالو لي
عايزين نصلي في السيدة نفيسة
قلت لهم من عنيا الاتنين
انا كنت بزحلقهم الصراحة
كنت تعبان جدا
المهم صحيت الجمعة الصبح
اشتريت اهرام الجمعة
وتالت صفحة
كانت صورة مسجد السيدة نفيسة واخدة نص الصفحة
قلت صلوات الله وبركاته عليكم آل البيت
دي علامة يعني
دعوة من ستنا عشان نزورها
قمت صحيتهم
لبسنا ونزلنا
استنينا الاتوبيس
مفيش اتوبيس بيروح السيدة نفيسة
ركبنا اول اتوبيس وقلنا نغير
الكمساري قلنا ممكن تركبه الاتوبيس ده
لغاية شارع بورسعيد
عند مديرية امن القاهرة
وبعدين ممكن نغير
او نتمشى نص ساعة
مش مشكلة
مفيش تلت ساعة
ولقيته بينادي علينا
الاستاذ اللي بيسأل عن السيدة نفيسة
ايوة يا اسطى
ادي الجامع ده اللي قدامك
انت مش قلت انه مش بيعدي من عند الجامع
ايوه يا استاذ
بس الاتوبيس فيه مشكلة في الفرامل
والسواق لف من هنا بسرعة عشان يرجع الورشة
دي مش طريقنا
اول مرة الاتوبيس يجي من هنا
من طعم العنب الاحمر عند عم اب الصاوي
الى طعم دولسيكا استيك من عند فتحي اب داوود
لقميص مشجر وبنطلون كروهات
كان موضه ساعتها
كان الواحد بيبقى فيه زي البلياتشو
لجزمة جلد
للبحث عن العدد الجديد من مجلة العربي الكويتيه
وقرايتها من الجلدة للجلدة
للفرجة على شوارع قنا بالليل
او الفرجة على الحريم العريانة في المجلات
للرغبة في السفر لمصر
والفرجة على شوارعها
وركوب المترو
اول مرة دخلت فيها سينما كانت سينما اوديون
(لغاية دلوقتي هيا المفضلة لدي كنوع من الحنين للذكريات الأولى)
اول مرة اشوف عرض مسرحي
كان في المسرح القومي
اول زيارة لسيدنا الحسين
كأي صعيدي بيعتبر ان زيارة القاهرة لا تكتمل الابه
وستنا السيدة زينب
ونفيسة العلم
واللي كانت زيارتها حدوتة لوحدها
اخويا وابن عمي كانو جايين لي من البلد
ليلة الخميس قالو لي
عايزين نصلي في السيدة نفيسة
قلت لهم من عنيا الاتنين
انا كنت بزحلقهم الصراحة
كنت تعبان جدا
المهم صحيت الجمعة الصبح
اشتريت اهرام الجمعة
وتالت صفحة
كانت صورة مسجد السيدة نفيسة واخدة نص الصفحة
قلت صلوات الله وبركاته عليكم آل البيت
دي علامة يعني
دعوة من ستنا عشان نزورها
قمت صحيتهم
لبسنا ونزلنا
استنينا الاتوبيس
مفيش اتوبيس بيروح السيدة نفيسة
ركبنا اول اتوبيس وقلنا نغير
الكمساري قلنا ممكن تركبه الاتوبيس ده
لغاية شارع بورسعيد
عند مديرية امن القاهرة
وبعدين ممكن نغير
او نتمشى نص ساعة
مش مشكلة
مفيش تلت ساعة
ولقيته بينادي علينا
الاستاذ اللي بيسأل عن السيدة نفيسة
ايوة يا اسطى
ادي الجامع ده اللي قدامك
انت مش قلت انه مش بيعدي من عند الجامع
ايوه يا استاذ
بس الاتوبيس فيه مشكلة في الفرامل
والسواق لف من هنا بسرعة عشان يرجع الورشة
دي مش طريقنا
اول مرة الاتوبيس يجي من هنا
كنت سعيد قوي
علشان همة كانو حاسين اني حققت لهم امنية
**************
اتغيرت اسباب السعادة
من نجاح بحققه في شغلي
لخطوة صح في حياتي
مكافأة او ترقية
او عقد جديد
وبعد كل حاجة بحققها
كنت بحس ان برضه مش السعادة
فيه حاجة اكبر
*********************
كانت متشعلقة بإيديا
كنت رايح معاها نشتري حاجات الفرح
ابتسامتها كانت ماليه وشها
وانا هطير من الفرحة
الفرح الاسبوع الجاي ان شاء الله
كنت سعيد بجد
بحق وحقيقي
أحلى حاجة انك تقدر تهدي الفرح للناس
يا رب
يارب
إهدي الفرح للكل
*****************
**************
اتغيرت اسباب السعادة
من نجاح بحققه في شغلي
لخطوة صح في حياتي
مكافأة او ترقية
او عقد جديد
وبعد كل حاجة بحققها
كنت بحس ان برضه مش السعادة
فيه حاجة اكبر
*********************
كانت متشعلقة بإيديا
كنت رايح معاها نشتري حاجات الفرح
ابتسامتها كانت ماليه وشها
وانا هطير من الفرحة
الفرح الاسبوع الجاي ان شاء الله
كنت سعيد بجد
بحق وحقيقي
أحلى حاجة انك تقدر تهدي الفرح للناس
يا رب
يارب
إهدي الفرح للكل
*****************
*الصورة بعدسة الفنان الاسباني - ستانلي بوكلا -عيون مصرية
التسميات: حجاوي من كوم الضبع
دونها أبوشنب @ ٢:٤٦ ص
11 Comments:
إلى جميع المعجبات
اللي بتكلم عنها دي اختي
علشان محدش يفهمني غلط
واحنا لسة في الخدمة
ومستعدين لتوصيل الطلبات
لكل الحبايب
ايه الحلاوة دي ..
حلو جدا ياشنبو
ايوه كدة ..
احكي..
وانا قاعد مستني
.
وباستمتع بالحكاوي ..
من بقك لباب السما
الفرح الجاى فى الأجازة الجاية
يكون تبعك
يا رب
تسجيل أول حضور للمدونة و إعجاب بيها ..
ما هو ايه بيطول عمر الواحد
غير الفرحة
عيش وقتك
عيش ايامك
الدنيا براح قدامك
كانت دي المزيكا المصاحبة للبوست ده
ربنا يفرحك كمان وكمان
وتحياتي
لعم ستانلي بوكلا
وياريته يشوف له حاجة غير الفوتوغرافية
دعوة للفرح
دعوة للحب والجمال
انت بجد حد جميل يا محمد
عشان مش اى حد بيطلع المشاعر دى
غير لما يكون انسان
تختلف السعادة بختلاف العمر وبختلاف مطالب الحياه
رائع اسلوبك اخى دمت بسعادة
وتهدينا الفرح دائما
ربنا يفرحك بحبايبك و يسعد ايامك :)
ربنا يفرحك كمان وكمان يا ولدي
قادر كريم يفرح كل الشعب البائس ده
امين يا رب
اللهم اكثر من افراحنا يا رب
السلام ختام
masinga
اعتقد اننا مش حنلاقي السعاده
لان السعاده مش هدف السعاده وسيله لتحقيق ذاتك
مش عارف صح كده ولا ايه
عموما عيشو اللحظه وخلينا نعيش
حكاويك حلوه يا محمد
بس احب اقولك ان السعاده لحظيه هو ده مفهمها حتى فرحتك بفرح اختك كانت لحظيه جايز طولت شويه بس راحت ولا رجعت لحظيه تقدر تحس بيها في اي وقت حتى بعد كل ايلشفناه في الدوحه عشنا فيها اكيد لحظات سعاده احنا اساسا بنعيش عشان اللحظات ده واى خطوه في حياتنا بنقوم بيها بتبقا عشان تحس بالسعاده دلوقتى او بعدين
المهم مش عاوز اطول عليك
شد حيلك وربنا يوفقك
يحيى على
إرسال تعليق
<< Home