فريد
معرفش أسمه بالكامل ايهلكنه من اجمل الناس اللي شفتهم هنا في الدوحة
اشتغلت معاه فترة قصيرة
كانو يدوب شهرين
يمكن كنت بأحترم فيه أنه ما بيرفعش صوته
ولا بيزعقش كتيير في الموقع
على الرغم من هدوءه الشديد كان ابن نكته
مهندس سمير كان بيحكي عنه مواقف تفطس من الضحك
بعد ما سبت الشغل كلمته مرتين تلاته على الموبايل
من أسبوعين عرفت انه تعبان شوية
دخل المستشفى
امبارح رجعت الاستراحة
مكنش فيه ولا واحد من المهندسين
كلمت هيثم
انتم فين
قال لي مهندس فريد تعيش انت
واحنا رحنا صلينا عليه ودفناه هنا في الدوحة
يااااه يا فريد
عرفت ان سمير برضه معرفش بموته ولا حضرش الدفنه بتاعته
كان نفسي أبكي،
لكن البكا والحزن رفاهية منقدرش عليها في الغربة
شغلت قناة مزيكا زوووم
وعليت الصوت على الأخر
وحبست البكا في قلبي
دونها أبوشنب @ ٢:٢٥ م
6 Comments:
رحمة الله عليك يافريد
فعلا كان من افضل الناس
انا فطرت معاة ليلة سبعة وعشرين رمضان
وسبحان الله فعلا كان انسان قلما تجد مثله اخلاقا وادبا
وانا كمان لم اعرف بوفاته رحمه الله الا يوم الخميس
رحمة الله عليك يافريد والي جنة الخلد ان شاء الله
وموعدنا حوض رسول الله
ياه يا ابو شنب
معلش كلنا لها
وربنا يجيب العواقب سليمة
أولا
فيــــــــنك
ثانياً
البقاء لله
فى أم احمد
وفى زميلك
ثالثاً
أحياناً يكون بصدرنا حزناً لا نجد له بكاءً لأو دموعاً وهذا أقسى ما يعيشه واحد منا
قلبى معك
هيا كدة الدنيا اخى تاخذ اعز ما لينا ومن غير الموت من فين نفوت
البقاء الله
البقاء لله
ساعات الواحد من كتر الحزن بيكون حتى البكا صعب عليه
أحببت كثيرا مدونتك و ألومني أنني قد تأخرت كثيرا عن اكتشافها
إرسال تعليق
<< Home