بتصرف
بتصرف
كنا ندرس بعض النصوص الأدبيه لكبار كتابنا شعراً ونثرا قصة وروايه وألحظ أسفل اسم الشاعر وبين قوسين (بتصرف)، لم أكن حينها أفهم معنى الكلمة، تسربت نفس الكلمة الى جرائدنا القوميه هذه الأيام عند الاعلان عن نتائج الانتخابات، الرئاسية منها والبرلمانية – وصولا الى انتخابات عمدة بلدنا – حين يقال فوز كاسح للسيد (فلني فلانك) في الانتخابات ألحظ كلمة بتصرف وقد كتبت بين قوسين بخط باهت لا يراه الكثيرون بتزورف
----------------------------------
ملحوظة : مع نقل القائم بالتصريف من مبنى وزارة التربية والتعليم الى مبنى اخر بشارع الشيخ ريحان المجاور مروراً بضريح سعد دون الالتفات للمتحلقين حوله رافعين لافتات كتب عليها بخط واضح (كفاية تصرف).
**************************************
–––: ده جمال الغيطاني اللي ملتقيين بيه في التلفزيون
حمتو : لأ ده اسمه يوسف القعيد
–––: والله ! ..... ده شبهه خالص يمكن يكون أخوه
حمتو : انت ما بتفهمش ده يوسف القعيد والتاني جمال الغيطاني أخوه ازاي يعني
–––: آه صحيح يمكن يكون قريبه مثلاً
حمتو: الغيطاني مولود في السيدة زينب وأصوله من سوهاج والقعيد مولود في البحيره يعني شامي ومغربي
–––: بس معش عارف ليه حاسس دمغاتهم فيها شبه من بعض قوي
حمتو : دماغات مين يا عم ده أصلع والتاني بشعر
بعدها بأيام قرأت في حوار للقعيد
( كانت مكتبة جمال الغيطاني هي مكتبتي، ما من كتاب لم نقرأه معاً وكنت استعير بعض الكتب أكثر من مرة لاعادة قراءتها ، لدرجة أنه من كثرة استعارة رواية "دروب الجوع" لجورجي أمادو كتب جمال الغيطاني عليها إهداءاً وأهداها لي)
أخذت نص الحوار وأسرعت لحمتو : اقرا كده بسرعة الجزء ده
حمتو : أمممممممم ( بيقرا) عايز ايه
: مش قلت لك دماغهم شبه بعض
نظر لي وعلى لسانه جمله لم ينطقها ( الواد ده اكيد اتهبل من ساعة ما قعد في البيت من غير شغل)
------------------
حمتو ده اخويا الصغير والاسم مشتق من الحمد وصحته ( حمدته ) لولا تصرف كاتب الصحة أثناء قيده في سجل المواليد بالمجمعة الصحية.
**************************************
رداً على كلام القعيد في مقاله "على سبيل الاعتذار لنجيب محفوظ" المنشور في جريدة العربي الناصري
بص يا عمنا الموضوع ليس له علاقة بالادب وقلة الادب ولكن الاحتفال بنجيب يأتي من كونه تعدى حاجز الخمس وسبعون عاماً وما زال يعيش بيننا ولازم انت وأمثالك يحتفلو به وبأدبه وفنه وتبجلونه وتوقرونه – دون أن تقرأ في الاحتفاليه مقاله نقديه لعمل من أعماله – وبذلك يا عزيزي عليك أن تتفهم ان الاحتفال له مدلولات سياسية صريحة.
**************************************
بعد الانتهاء من صلاة الظهر بالمسجد بدأ المصلون في ورد ختم الصلاه ( أستغفر الله العظيم الذي لا إله إلا هو الحي القيوم وأتوب إليه ) وقف شاب مغاضبا ( عرفت فيما بعد أنه حاصل على دبلوم تجاري ) : الذكر بعد الصلاه يكون سراً وليس جهراً ولم يرد عن السلف الذكر بعد الصلاه بصوت مرتفع دي بدعه
إنصرف كبار السن ثابت وشفيق وعلي عويضه يهمهمون بالذكر ( أستغفر الله العظيم الذي لا إله إلا هو الحي القيوم وأتوب إليه ).
خارج المسجد وقفت منتظراً للشاب الغاضب وسألته: ايه رأيك في سيديهاية دينا يا مولانا
نظر إليّ في دهشة وأكمل سيره يرفل في ثوبه القصير وغطاء رأسه المميز بينما أسمع صوته مردداً ( أستغفر الله العظيم الذي لا إله إلا هو الحي القيوم وأتوب إليه ).
**************************************
عدت الى البيت سريعاً دخلت المندرة فتشت في دولاب الحائط عن مفك صليبة وبسرعة نزعت الغطاء الخارجي لجهاز الكمبيوتر تبينت الكابلات المتصلة بالجهاز وقمت بفصل كابليّ البور والداتا عن ال
CDRoom .
لم أعد استخدمه في الفترة الأخيرة سوى لشيئين لا ثالث لهما
* مشاهدة سي دي لدينا وأخواتها على يد حسام أبو الفتوح وجماعته
*مشاهدة سي دي لعملية قتل رهينة على يد أبو مصعب الزرقاوي وجماعته.
سؤال : هو حسام ابو الفتوح من ضمن تنظيم القاعدة برضو؟!!!
إضافة
نشوف سيديهاتكم عن قريب......قولو إنشالله.
********************************
ملاحظة هامة: جميع المدونين المصريين يعشقون منير ذو النكهة الجنوبية النوبية وفيروز اللبنانية!!!!.
التسميات: حجاوي من كوم الضبع
دونها أبوشنب @ ٣:٠٤ ص
12 Comments:
هى السي دي اللي عندك
دينا واحد ولا دينا تو ؟
أزال أحد مشرفي المدونة هذا التعليق.
أزال أحد مشرفي المدونة هذا التعليق.
كلام الناس ..لابيقدم ولا يأخر
المدونة دي عجبتني
كده برضه وانا اللى فاكراك مؤدب
بتجيب سيرة الزرقاوى ليه ؟؟؟؟
أولاً أقسم لكم أني لم أشاهد سي دي دينا ولا مرة وإنما قصدت المعنى
Dalia Fouad
مقدرش ابطل اتفرج على سي دي دينا
دي سنة الحياه يا امي
حلوة أمي دي
Ahmed Shokeir
ون
وتو
وتراباتا تو
واللي تؤمر بيه يا باشا
ولو عايز سي دي كمال الشازلي كمان
برضه تلاقي عندنا
بس انت مش خايف من المدام يا لورد
خوليو
ماشي يا عم خوليو
على فكره كان لي واحد صاحبي اسمه خوليو
سلم لي عليه
African Doctor
شكراً لتشريفك
بس بجد مدونتك انت اجمد
بكتيييير يا دوك
Geronimo
لا والله دي أمي
هيه اللي بتشغلنا سي دي الزرقاوي قبل ما ننام
علشان من يوم ما جدتي ماتت
محدش بيعرف يحكي حدوتة
هلا حبيبي كانت متقالتك عزا لي في ليل المنيا البارد بس خايف عليك من العمدة الجديد ليتصرف في حياتك
عماد
كلام وعرض طيب
تسلم عزيزى
وفقنا الله لما فية الخير
مع خالص تحياتى
www.3alam.blogspot.com
الاطفال احباب الله
www.AtfaL77.blogspot.com
افكار حرة
www.AFKaaaR77.blogspot.com
هاهاها أنا برده كنت بحس ان في شبه بين جمال الغيطاني و يوسف القعيد
بس إيه هي المدلولات السياسية ؟
بالمناسبة ، أنا بحب منير مش بحب فيروز غير في أغاني معينة
ابو شنب السكرة
كلامك جميل يا ولد العم
عيرشق فى الجلب كيف الربابة فى ليلة شتا
ما علينا
بالنسبة لموضوع منير وفيروز
مش هتيجى على دول بس
هتلاقى الحبايب كلهم
من اول جاهين وحداد ووجيه عزيز
انتهاء بمحمد خان واحمد ذكى
بالنسبة لحسام والزرقاوى
اعتقد ان الأتنين مشتركين فى هدف واحد
وهو
ال..ح
bondoksmile
ولا حنى اتخن عمدة يا عماد
tamer
بارك الله فيكم يا شيخ تامر
mindonna
وأنا بحبك انتي في كل ألاغاني اللي بسمعها
فيه أكتر من كده مدلول
ام المريله الكحلى
ماشي يا ستو انا
المره الجايه هقولك ان فيه جديد
كل سنة وانت طيبة بمناسبة الاعياد
hesterua
ايه ايه
بتقول ايه الهدف يا ود العم
احمد فوزى
دوماً أسعد بتشريفك
إرسال تعليق
<< Home