syssssss
لماذا يكره المصريون النظام؟سؤال وجهته لنفسي أولاً
يمكن بعد ما اتعاملت مع مجموعة من الجنسيات المختلفة حسيت بالموضوع ده أكتر
تعالو نبص على حالنا
في الشارع
لو الاشارة حمرا بنعدي
لو صفرا بنعدي
لو خضرا برضه بنعدي
طيب حد يقولي الاشارة معموله ليه؟
عشان نعرف الفرق بين الالوان.
في طابور المترو
نتكوم بسرعة كلنا مع بعض على شباك التذاكر
الموظف ميعرفش يدي تذكرة لمين بالظبط
العدد يزيد أكتر
بعد شوية يدخل واحد محترم
بدلة
وكرافته
وأخر منجهه
يا جماعة عيب علينا كده
مش عارفين نعمل طابور
العالم كله شغال بالطوابير واحنا مش عارفين
نتكسف على دمنا ونبدأ نعمل الطابور
فجأة نلاقيه دخل مع أول الطابور
مع إنه جاي أخر واحد فينا
في طابونة العيش
تقف في الطابور
وتحترم نفسك
ده عيش يا جماعة
تدخل خالتك أم أحمد
(افتكر سكيننة وبلع ريقك)
يا واد يا سيد
هات التموين يا وله
ويبتدي الواد سيد يلم كل العيش الطالع من الطابونة لخالتك أم أحمد
عقبال أملتك جارته من زمان
وصاحبة أمه الروح بالروح
تفتح التلفزيون
تلاقي المذيعة الأمورة
مع إن صوتها أخنف
ومتفرقش بين العشرين حرف اللي بتنطقهم
( نسيت أقول إن أخرها عشرين حرف)
سيئاتي انساتي ساستي
مع الفم الأيبي
يساسة في أكبب
وتنتظر بعدها إعلانات لمدة تلات أربع ساعات
تحول على قناة فضائية
تلاقي برنامج ساخن
بيتكلمو عن السياسة
والمظاهرات في مصر
مناظرة
اتنين لواءات شرطة سابقين
عمالين يزعقو
ويهتفو
إحنا مصر
إحنا الحرية
إحنا النظام
إحنا بتوع الديمقراطية
واللي يقول غير كده نسحله
واللي يعمل مظاهرات نسحله
واللي يصورها في الجرايد والتلفزيون نسحله
واللي يتفرج عليها نسحله
واللي نسحله نرجع نسحله تاني
وفي الناحية التانية
أمورة ظغنونة
تعرف ملامح وشها كويس
لأنك بتشوفها كل يوم
في الاتوبيسات
وفي المترو
وفي مدرج الجامعة
وانت خارج من بيتكم
وانت داخل
وانت في الشارع
وانت في البيت
وانت صاحي
وانت نايم في أحلامك
من الأخر
ملامح بنوته مصرية
عماله تحاول توصل صوتها
أنا اتسحلت
واتبهدلت كرامتي
علشان ايه مش عارفة
دي مش بلدي برضه
بعد حوار طويل
عن القانون
والنظام
والبلاد
والعباد
تأثر اللواءات العظام
وردو في صوت جهوري
الظابط اللي عمل كده لو ثبت عليه هذا الكلام
هنسحلهولك يا بنتي
انتي اثبتي عليه انه سحلك
واحنا نسحله
ههههههههههههههههههه.
من الأخر تقريباً كل مناحي (حلوة مناحي دي) حياتنا
ماشية بنظام "طول ما قلبك أبيض ودعا الوالدين"
فوت في الحديد
مع إن الحديد برضه
الطن وصل لاربعة الاف جنيه
بدون أي نظام.
الغريبة
إن اللي يحاول يتبع النظام
بيتبهدل برضه
أبسط حاجه
بيتقال عليه انه هندي
مع إن الهنود
عندهم انتخابات في منتهى الديمقراطية
وكل عشرة ليهم دين
واله
وعقيدة
ومسمعناش عن فتنة طائفية في الهند
وعندهم أسلحة نوية
وبيصدرو تكنولوجيا أكتر من عالمنا العربي كله
وبيغنو حلو
وبيرقصو أحلى
وفوق ده كله
عندهم لغة
وبيتكلمو هندي
هههههههههههههه
صباح النظام
دونها أبوشنب @ ٩:١٨ م
5 Comments:
إيه الجمال والحلاوة والرشاقة
نفس اللى بيخطر على بال الواحد
قال وإيه الواحد بيتفرج على كل ده الغلب والشقا طبيعى ومتلفز وعلى الصفحات
وعايز كام مرارة لزوم الفقع
ربنا يصبرنا
عم فتحي ايه الأخبار
البلوق بتاعك شغال زي الفل
بس يمكن حصل نظام من النظام بتاع النت
سلامي للجميع
انا كنت هاموت من الضحك طول ما انا بقرا البوست بتاعك
ادخل بقى على لينك مجلتنا علّى صوتك وشوف التهريج اللى بجد فى مقال المهزلة الكبرى
3allisotak.com
ههههههههههههه حلوه ..
Best regards from NY! cybersitter Car+rack Cisco 340 instant messenger parental control Soapbox derby car kits Used isuzu ascender ext Bingo free game site Seattle business cards netnanny cybersitter by user parental control shell computer shutdown Parma motor slot upright vacuum cleaners un parental control porn Student+loan+consolidation Parental control software internet capital ga taxes currency trading online forex trading newforextrad21 Pilates result winsor Porsche 914 with 930 transaxle botox injection
إرسال تعليق
<< Home