مش عارف ليه
جاوبيني ؟ايه يعني تعيش أو حتى تموت
ايه يعني تعافر في الملكوت
أوتملا الدنيا بعلو الصوت
ايه يعني تسافر
أو ترجع
تملا الطرقات
بصهيل ونهيق
وكلام ملتوت
عن فكر وحرية وثورة
ايه يعني تعيش
والقلب ف جوفك
متشرق
مفهوش ولا قطرة شوق لحبيب
مش عارف ليه
وأنا بقلب أخر صفحة من الكراسة
عينيا بتفضل
تتشعلق
باخر حرف
ف آخر كلمة
ف آخر سطر
من الكراسة
مش عارف ليه
مش عارف ليه
الحرف بيديني ضهره
بعد ما عديه
من بين شفايفي النشفانة
وأنطق بيه
ولا يوم يفكرني
ويرجع لي
ولا يوم جاع لي
وأنا مغرم بيه
مش عارف ليه
مش عارف ليه
وحبيبتي الواقفة على مسافة
من قلبي الموجوع جوايا
مش راضية ترد الخوافة
وسؤالي بسيط
بتحبيني؟
دونها أبوشنب @ ٧:٠٣ م
6 Comments:
ايوه كده
ارجع اكتبك تانى
وابعد عن المسلمات والنظريات اللى بتشرح في الملكوت
ده الملكوت جواك
ارجع ليك
وهى اكيد هتجاوبك يوم
جميل خالص
تسلم يابنى و الله
هى الغربة بتعمل حاجات حلوة كده فى البنى آدمين؟
جيرو
ده انا هكتب كتابة
احلى كتابة ان شاء الله
بس هي ترد
فنجان قهوة
طيب يا ستي لما عارفين اننا في غربة
حد يحن علينا
ده احنا مقاطيع والله
أحلي كلام إتقال و سمعته
بس يا تري بتقوله لمين؟
أحفظ كنزك جوه جزيرتك
لحد مه يظهر بني أدمين
أحلي كلام إتقال و سمعته
بس يا تري بتقوله لمين؟
أحفظ كنزك جوه جزيرتك
لحد مه يظهر بني أدمين
أحلي كلام إتقال و سمعته
بس يا تري بتقوله لمين؟
أحفظ كنزك جوه جزيرتك
لحد مه يظهر بني أدمين
إرسال تعليق
<< Home