دايرة الحيرة
مش عارف أكتب عن ايه ولا ايه
هل أكتب عن
الاٍساءة للرسول
إعادة قراءة لقولة سبحانه وتعالي
لا نفرق بين أحد من رسله
كمنهج للتعامل مع الاخر
ووضع برنامج عملي لتقنين الاوضاع
*****************
وكان هناك موضوع الدائرة التي تكلمت عنها جيرونيمو
وبوصفي مهندس
تفكرت في فهم الادبيين للدائرة
هل أحد منهم يعلم أن الدائرة
أية دائرة في الدنيا لها مساحة واسعة جداً
تساوي
ط نق تربيع
يمكننا ان نتوه فيه قبل أن نصل للمحيط
الذي لا يعدو طوله عن
اتنين ط نق
لماذا ننظر دوماً في حياتنا لمحيط الأشياء
ولا ننظر لجوهرها والمساحة الداخلية لها
حتى حين نرى بعضنا البعض
لا نرى سوى أن فلان تخين حبتين
وفلانة مكلبظة
وفلتكانة رفيعة قوي قوي
دون النظر للمساحة الداخلية لهذا الذي نصفه
حتى بالنسبة لمشاكلنا
نترك كل البراح في
ط نق تربيع
وندور في المحيط
2 ط نق
علينا بإعادة النظر في هندسة فيثاغورس
*******************
ولا عن الكتاب
حالياً أعكف على كتاب للدكتور زكي نجيب محمود
فيه حاجات لذيذة قوي
بتتكلم عننا
ناوي الخص أجزاء منها وأنشرها قريب هنا
بس بجد حاجة عظيمة جداً
*************
في النهاية قررت أن لا أكتب عن أي شئ وأخد أجازة من البلوق والدوشة بتاعته
خلاص أنا مش هكتب حاجة دلوقتي
وسوف أقوم بتأجيل الكتابة لوقت لاحق
إن شاء الله لما أفوق من الدوشة والمشاكل الشخصية بتاعتي
ساعتها ممكن أكتب
كده أحسن أكيد
دونها أبوشنب @ ١٢:٠٤ ص
6 Comments:
حلوه
وفلانه مكلبظه
لكن قولي مكلبظه بالظاد والضاء
بس ساعات الدايرة
بتكون ضيقة قوي
اضيق من مساحة احلامنا
فبنتسجن جواها
إلى خجل
مكلبظة
مكلبظة
حضرتك تحبيها بايه
فيه مكلبظة باللحمة
وفيه مكلبظة بالمخ
إلى جيرونيمو
وماله يا ستي
وفيه ايه لما نتسجن
حيكون أحلى سجن وحياتك
وخصوصاً لو فيه حد حلو معاك في السجن
افكارك حلوة يا ابن الايه
وكمان طلعت فليسوف لا برافو
انا عايزك تخش البلوج عندي عشان فيه موضوع مهم خاص بكل المدونين
صحيح كلامك 100% عن حبس نفسنا في محيط الدائرة وننسى المساحات والبراح اللي في جوهرها...دست ع الجرح يا أبو شنب
بس هايل أوي ربطك بين كلام مرهف جدا في معناه ومش أي حد يدركه وبين قانون فيثاغورس والدايرة ومحيطها وكلام الرياضيات اللي نسيناه
(:
لو سمحت لي ما اسم الكتاب الذي تعكف عليه حاليا الخاص بالدكتور زكي نجيب؟
إرسال تعليق
<< Home