Inbox
إلقالك حد إن ضاقت بيك مدلك يدساعة ما بكون مخنوق من الواقع بفتح رسايل الأحباب
أهم فايدة إكتشفتها للموبايل حتى الأن
1
غريبة إنك صاحي .
قريت أخر بوست حالاً.
حسيت إنك بتهديه ليا وفرحني قوي.
2
May be ur out of my reach.
But not out of my mind.
May be u r out of my sight.
But not out of my heart.
May be I didn’t tell u
“I MISS U”
But from inside I do
3
الواقع بيقول إنك هناك واحنا هنا
لكن الحقيقة إنك معانا هنا
لا البعد ولا المسافات لهم قيمة
ما دمنا أسرة مع بعضينا.
4
وكم للـــه من لطف خفــي يدق خفــاه عن فهم الذكـــي
وكم يســـر أتى من بعد عسر وفرج كربة القلــب الشجـــي
وكم أمــر تساء به صبــاحاً فتأتيـك المسـرة بالعشــــي
إذا ضاقت بك الأحــوال يومـاً فثق بالواحـد الـفرد العلـــي
توسل بالنبـــــي فكل خطب يهـون إذا توسـل بالنبــــي
5
اليوم جمعة
الصالات زحمة
صبرك شوية
نص ساعة ونكون معاك
6
ازيك يا محمد
أخبارك ايه
أنا حبيت بس أطمن عليك
صوتك كان متغير لما كلمتنا.
7
أجمل إحساس في الكون
إني أحس إنك قريب قوي
حتى وانت بعيد
8
ماشي يا عم المطحون
بس خليها بالليل عالساعة 8
9
من السهل أن يشتاق الإنسان لمن يحب
لكن من الصعب أن يجده كلما اشتاق اليه.
10
Dear hony
F u know how much I miss u
U wuld come back very soon
Wish u r doing wel n ur work
Find a hot check 2 write a blog about
Ur last blog z wonderful
11
آسفة
أنا كنت برن على محل الورد
لكني غلطت
ورنيت عالورد ذات نفسه
12
واحد شفوه بيشرب سيجارتين
سألوه ليه
قال بشرب ليا ولصاحبي اللي في السجن
بعد اسبوع
شفوه بيشرب سيجاره واحده
قالو له أكيد صاحبك طلع من السجن
قالهم لأ أنا اللي بطلت سجاير
***************
دايماً أحباب
دونها أبوشنب @ ١٢:٣١ ص
23 Comments:
عليك افكار غريبة عجيبة يا شنب
مين كان يفكر يعرض الرسايل اللى على موبايله
على العموم ده سبق بلوجى ليك
وأجدع ناس بتوع عين شمس على فكرة انا جارك اوى يادوب تعدى ابراهيم عبد الرازق
:D
فعلا انا كمان برتاح اما افتح رسايل موبايلي
.......
كل يوم بيموت حمار في حادثة
لو عايشة اديني رنة عشان اطمن عليكي:)
lol
فعلاً مبدع
بس فينك
ماقريتش أخر عروسة نيل
m_elsewedy
فين أيامك يا براهيم
...دنيتي
تقصد مين بالحمار بالظبط
يا ريت تطمنا على صحتك
أم المرايل
أبو شنب بيدلع يا جدعان
وشكلي هضرب في الأخر
سلمي لي عليه
أبو أمل
أنت فجرت في موضوع النت
هو رفعت بيصرفه على البطاقة اليومين دول ولا ايه
انا اسفة جدا والله انت فهمتني غلط
انا كتيبت مسج بالصدفة
اكرر اسفي
لا يا فندم من غير أسف ولا حاجة
يلا
البلد زادت حمار
مفيش مشاكل خالص يا فندم
هههههههههههه
احلى حاجة بجد
انه ليا رسالتين في الان بوكس بتاعك
اتنين من اتناشر
يعنى السدس
طبعا مش هقول انهي رسالتين
والحدق يفهم
ولو ياعم الرسايل مفعولها حلو كده
نبعت كمان وكمان
جميل
حلو الإن بوكس بتاعك ياأبو شنب ، ياترى السنت أيتمز حلوة كده كمان
أول زيارة لي
لكن بوست دمه خفيف
تحياتي
Geronimo
أنا الحدق
الرسالتين هما 14 و 15
دول منك يا جيرو أنا حسيت بكده
هههههههه
عوليس
بص يا عم يا تقول تعليق يستاهل يا متدخلش هنا تاني
أقل حاجة تشتري بربع جنية تعاليق
ده منيمم تشارج
Ahmed Shokeir
ابعت نمرة تليفونك في المملكة واحنا نوريك العينة
مأمون المغازي
ماشي يا بن المغازية
شرفتنا يا باشا
انت بتكتب مصايب ياشنوب
طبعاً لما ندور فى تاريخك نلاقى موضوع لديك بقرتان وده مشكلة لوحدو نيجى بعد كدة نلاق inbox
اكيد انت قاعد عمال تخترع بس
عموما اشهد لك ببراءة الاختراعين
وأخيراً احب اعرفك ان موبايلى سارة بنتى كسرت الشاشة بتاعتو
الى الامام
حاجه جميله
تصدق ان الرسايل ايضا تمثل جانب من جوانب سلوك الانسان
بوست جميل
ربنا يوفقك
بوست حلو
مهضوم
والبلوغ كلو جميل
تحية لك
asadma7bos
بقر ايه يا عم الاسد
انت جعت ولا ايه
يعني صفحة طويلة عريضة وفي الاخر تقولي بقرتين
ليهم حق يحبسوك
وعموماً ده مش موضوعي
شرفتنا يا ملك الغابة
أبن الشارع
جميلة خالص
خالص مالص
tamer
تمثل
ما تمثلش ليه
ده حتى موسي سمير بتمثلنا جانب مهم برضه
ayhm jzzan
مين اللي بيلغ بالظبط يا كابتن
هو احنا فاتحينه مطعم
قال بلوغ قال
أنا ما فهمت شو كتبت كرد على إلي كتبتو أنا
بس أنا قصدت إن المدونة كلها حلوة وجميلة
the blog is good
ayhm jzzan
ربنا يخليك يا ايهم
المشكلة في اللهجات
حبيت أهزر معاك
لكن مخدتش لبالي انك من سوريا الشقيقة
الف شكر لك
وأنا كمان بحييك
ممكن أعمل لنك للمدونة علشان أزورها دائما
تصدق فاتني كتير لأني مش زرتك من فترة... بس ملحوقة إن شاء الله
فكرة هايلة.. جاتني قبل كده بس مش كانت على الرسايل القصيرة.. كانت حاجة تانية فكرتني بيها.. والله فيك الخير..
بس بجد جمييييلة يا أبو شنب.. أنا كمان باقعد أفتح الرسايل في موبايلي عشان اللي بابحهم أحبهم تاني.. واللي مخاصمني أصالحهم في رسايلهم ورسايلي ليهم.. واللي نسيوني أفتكرهم مع إني فاكراهم.. وهكذا
((:
ayhm jzzan
أنا شفت المدونة بتاعتك وأسمي منور فيها
يلا يا عم وببلاش كمان
Doaa Samir
أهلاً ببنت أبها الجميلة
فينك من زمان
ولا لازم كارت توصية عشان تزورينا يعني
على فكرة الرسايل كترت اليومين دول بفضل الناس الحلوة
وناوي أعمل بلوق مخصصوص
I have been looking for sites like this for a long time. Thank you! Pioneer security life insurance company honeywell hwm 255 humidifier Medco automated pharmacy project lift chairs surveillance equipment Benfits of cooking in schools antivirus software hoveround electric wheelchairs real estate listing Cheep flights barcelona to madrid camcorder mini dv Honeywell warm mist humidifiers Gravel driveway surface Imitation leather sofa Venlafaxine hydrochloride versus duloxetine hydrochloride Navajo scholarship
إرسال تعليق
<< Home