ويوم أخر في الغربة
الساعة 3 الدقيقة 40موعد الإستيقاظ
الساعة 3 الدقيقة 40
موعد الإستيقاظ
الساعة 3 الدقيقة 40
موعد الإستيقاظ
ده صوت المنبه عشان أصحى من النوم على فكره حاطط حواليا تلات منبهات عشان أصحى.
**************
الساعة 4.40
تولاسي سواق الباص على التليفون
مهندس أنا ما فيه ييجي باص خراب انتا فيه ترتيب سوا سوا كريشنا (سواق تاني)
***************
الساعة 6 صباحا
واصل متأخر ساعة عن موعد الموقع
بينوس السكرتير
U R LUKY Eng Mohamed
U late one Hour
But Generator is not working so Time Record Machine Stopped
الحمد لله
مفيش كهرباء
يعني انهارده مفيش شغل
**************
الساعة 9 صباحا
واحد من المديرين الكتار بتوع الشركة
مهندس محمد
انتا من انهاردة هتنزل معايا الموقع في شغل الانفاق
سيبك من الكمبيوتر والكلام الفاضي ده
بعد جدال
ماشي
لكن أنا عايز عربية بسواق
وتليفون مفتوح
ماشي بكرة
طيب أنا بكره برضه
************
الساعة 11 صباحا
نفس المدير
طيب دلوقت هتنزل مع مهندس .... تشوف الوضع لغاية ما تيجي العربية
أول ما نزلنا من العربية
مهندس ......
أنا هسيبك دلوقتي هنا علشان معايا اجتماع مهم
طيب أنا اتحرك ازاي
اتصرف يا باشمهندس
**********
الساعة 11.30
مهندس ....... يدخل المكتب يلاقيني موجود مكاني
الله انتا رجعت ازاي
اتصرفت
هههههههههه
**********
الساعة 3 عصراً
العربية والسواق وصلو يا باش مهندس
الموبايل بكرة
العربية كانت نص نقل
ما علينا
المهم نتحرك
على فكرة يا باش مهندس
معاك صب خرسانة انهاردة
*************
الساعة 9 مساءا
بوم بوم
الشدة الخشب ضربت
والخرسانة كلها على الأرض
ههههههههههههههههه
يا حمودة فين العشا
هو وقت عشا يا باشمهندس
امال نموت من الجوع يعني
**************
الساعة 11 مساءا
الاستراحة
زميل شكله تعبان
مالك يا باش مهندس
لا ولا حاجة
ليا 17 شهر
رحت أخد أجازة
قامو مكنسليني
ومش راضيين يصرفو فلوسي
ونازل مصر بكره نهائي
كفارة يا راجل
************
الساعة 12 مساءا
أما أظبط المنبه على الساعة 3.40 صباحا
تصبح على خير يا أنا
دونها أبوشنب @ ١٢:١٣ م
8 Comments:
الشدة الخشب ضربت
أكيد التقوية ماكنتش كويسة
بينى و بين الهندسة المدنية دى أوسخ مهنة فى الدنيا
ربنا ينجينا منها
إيه الحلاوة دي
والله
كأننا ع الدرباس تماماً
شكراً على هذا الحكى الجميل
وإلى الأمام
وابقى
رد على التعليقات
خليك
حلو
ماشى الطريق
لغاية ددلوقتي ملقتش حاجة أوسخ منها
عشان أشتغلها
أبو أمل
أنا طول عمري حلو يا خال
يومك صعب قوي
ياشنب
واصعب مافيه
آخر جملة في البوست
تصبح على خير يا أنا
هو انت كنت موجوع وانت بتقولها
ولا هى وجعتني كده لله ف لله
ربنا يعينك ف غربتك
ويعينك على اللى رماك عليها
وترجع بالسلامة
ونقولك كفارة يا راجل
ايوه كده
هز الهلال ولعلع ف المدونة
قلمك بيوحشنا
بصراحة اول مرة آجي هنا بس ممتاز وكان لازم اعرفك اني زرتك علي الاقل رد الزيارة واحنا زملاء مهنة وغربة وبلد اخوك عبدو .. قطر
ابو شنب
هو انت اللى عملت التعديلات عندى
؟؟؟؟؟؟؟؟؟؟؟؟؟؟؟؟؟؟؟؟؟
انا قلقت خالص
طمنى
تحياتى
السلام عليكم وحمة الله وبركاتة كيفك ياولا عامل اية وحنى جدا عايزين نسمع صوتك ومش عايزين نشوفك
علاء محمد على
اصبر واستحمل يا شنوب الحال هنا انيل واضل سبيل
إرسال تعليق
<< Home