تالتة/اول
من سنتين بالتمام والكمال
كنت قاعد عاطل بعيد عنكم في البيت
مفيش لا شغلة ولا مشغلة
محبط بشكل ما اتعرضتش له قبل كدة
وانا بقلب في النت لقيت قصة او موضوع
مفهمتش ولا استوعبتش الشكل من اول لحظة
كان في مدونة مع نفسي
ومنها
ابتديت ادخل في مدونة
اطلع من مدونة
كان ايامها الواحد يقدر يقرا المدونات كلها في وقت قصير
قبل ما الدنيا تتزحم
وشوية شوية
عرفت اعمل مدونة خاصة بيا
في لحظات الاحباط دي
كان اول كلمة قدرت اكتبها
وحسيت بيها اول ما بقى لي مدونة
أخيراُ أقدر أعلى صوتي وأصرخ (أنا حــــــــــــــــــــــــــــــــــررررررر)
ومنها ابتديت ادون اودون
لغاية اللحظة دي
58 بوست
حوالي 450تعليق
400 بس لو شلنا منهم ردودي والتعليقات الدعائية
عدد لا بئس به من الاصدقاء من خلال المدونة
احمد شقير
احمد شلبي
البراء اشرف
وقدر واسع من الحرية
التدوينة الاشهر كانت
المحطة الاخيرة لعم حسن
وده عشان عم حسن
مش عشاني
كان بيقولي
زمان الناس كانت تقول فلان بيعرف يقرا ويكتب
على اللي بيفك الخط
دلوقتي
اللي بيكتب هو الكاتب اللي بيعمل كتاب
او يكتب في جرنان
والغريبة ان البوست بتاعه
اختارته جريدة الدستور
عشان ينزل في احد اعدادها
اللي انا ما شفتوش عشان كنت بره مصر
ساعات كتير كنت بكسل اكتب حاجة
بس عمري ما فكرت انزل بوست اقول فيه اني هقفل المدونة
قال يعني هيكل
التدوين عندي ابسط
دي حالة مزاجية
نوع من المتعة
اللي ما عدناش نلاقيها في حاجات كتير حوالينا
رقص مع الروح
في ساحة من الخيال
اكتب
حتى استنزفني لأخر حرف
وبعدها
استقبل الدنيا
***************
اليوم
هو تالته اول بالنسبة لي
اول يوم في السنة التالتة تدوين
بدأت الكتابة
ب
أخيراُ أقدر أعلى صوتي وأصرخ (أنا حــــــــــــــــــــــــــــــــــررررررر)0
ومازلت
كنت قاعد عاطل بعيد عنكم في البيت
مفيش لا شغلة ولا مشغلة
محبط بشكل ما اتعرضتش له قبل كدة
وانا بقلب في النت لقيت قصة او موضوع
مفهمتش ولا استوعبتش الشكل من اول لحظة
كان في مدونة مع نفسي
ومنها
ابتديت ادخل في مدونة
اطلع من مدونة
كان ايامها الواحد يقدر يقرا المدونات كلها في وقت قصير
قبل ما الدنيا تتزحم
وشوية شوية
عرفت اعمل مدونة خاصة بيا
في لحظات الاحباط دي
كان اول كلمة قدرت اكتبها
وحسيت بيها اول ما بقى لي مدونة
أخيراُ أقدر أعلى صوتي وأصرخ (أنا حــــــــــــــــــــــــــــــــــررررررر)
ومنها ابتديت ادون اودون
لغاية اللحظة دي
58 بوست
حوالي 450تعليق
400 بس لو شلنا منهم ردودي والتعليقات الدعائية
عدد لا بئس به من الاصدقاء من خلال المدونة
احمد شقير
احمد شلبي
البراء اشرف
وقدر واسع من الحرية
التدوينة الاشهر كانت
المحطة الاخيرة لعم حسن
وده عشان عم حسن
مش عشاني
كان بيقولي
زمان الناس كانت تقول فلان بيعرف يقرا ويكتب
على اللي بيفك الخط
دلوقتي
اللي بيكتب هو الكاتب اللي بيعمل كتاب
او يكتب في جرنان
والغريبة ان البوست بتاعه
اختارته جريدة الدستور
عشان ينزل في احد اعدادها
اللي انا ما شفتوش عشان كنت بره مصر
ساعات كتير كنت بكسل اكتب حاجة
بس عمري ما فكرت انزل بوست اقول فيه اني هقفل المدونة
قال يعني هيكل
التدوين عندي ابسط
دي حالة مزاجية
نوع من المتعة
اللي ما عدناش نلاقيها في حاجات كتير حوالينا
رقص مع الروح
في ساحة من الخيال
اكتب
حتى استنزفني لأخر حرف
وبعدها
استقبل الدنيا
***************
اليوم
هو تالته اول بالنسبة لي
اول يوم في السنة التالتة تدوين
بدأت الكتابة
ب
أخيراُ أقدر أعلى صوتي وأصرخ (أنا حــــــــــــــــــــــــــــــــــررررررر)0
ومازلت
التسميات: الحياة حلوة
دونها أبوشنب @ ٦:٣١ ص
6 Comments:
بالتوفيق يا ريس عقبال ما يبقوا 4500 تعليق و 20 سنه حررررررر ومازلت
يحيى الشناوي
مبروك..عقبال 100 سنة مع بلوغر
:)
وان شاء الله أيام الشقا ما تنعاد
ربنا يديمها عليك نعمة
اكتب واكتب
دون واوعى تقفل مدونتك لاي سبب
ابعد عنها فترة لو زهقت
بس اوعى تقفلها
مبروك السنة التالتة وعقبال الرابعة بنجاح ساحق
تحياتي
العمر بيجرى يا ويلد عمى
:)
انا كنت قبلك بكام شهر ,, وفعلا من اكتر الناس اللى عجبنى كلامها واحساسها انت ...فلنهنئ أنفسنا على الصدفة الجميلة اللى قربتنا من بعض ولو على المستوى المدوناتى والماسنجراوى
كل سنة وانت طيب يا خال
وبالتوفيق
معقول اول يوم ف السنة التالتة
كويس والله انك بتحسب
ربنا يديم عليك نعمة الكتابة
ويعينك في غربتك
إلا هو انت ليه مكتبتنيش ضمن صحابك بتوع المدونات هو احنا مش صحاب برضه يا جدع انت
ماشي يا ابو شنب خليك فاكرها
إرسال تعليق
<< Home