رسالة لسمر
سمر جات للدنيا ويمكن ما تعرفنيش ساعة ما تشوفني ويقولو له ده خالو تبص لي وتجري على حضن امهاتلات اربع ساعات فاتح صفحة النت
اكتب رسايل
وبسمع لنصير شمة
ومستني
وهفضل مستني
وبيوحشني وش صديق
ملحقتش اتملى منه
وريحة دفاتري القديمة
بتهل مع كل سبتمبر
والبت
اللي مره اسمها عبير
ومره فاطمة
ومره دعاء
ومروة
وأماني
وانتي مش فاضيه
وساعة القرب
بترجعي لورا الف خطوة
وتسيبيني تايه
عشان
فيه واحده صاحبتك فرحها انهاردة
وفرحي انا
ملهوش ميعاد
ليه تسيبيني
وريشة عود نصير
بتنخر في قلبي
ومش قادر امد ايدي
تلمسك
ولا حتى
عنية
ليها السماح
والرضا
بنظرة منكم
وريحة الشتا
الطالل علينا
بعد جهنم الصيف الطويل
بتفكرني بحضن
كنت فاكره يوم ليا وحدي
لكنه بالضنى جاد
وسابني
وحيد
أشم ريحة الشتا اللي جاي
مع عزف العود
دونها أبوشنب @ ٩:٠٤ م
9 Comments:
علم بخبر مقدم سمر
والآن عرفت اسمها من خلال البلوجر
مبرك عليك كلمة خالو
ومبروك على ابوها وامها
تحياتى
سلاّاااااااااااااام
الف الف مبروك يابو خالو وعقبال ماتفرح بيها
سلام
مبروك يا خالو
حلوة خالو
الله يخليها
الف مبروك يا خال
ربنا يبارك فيها
كلامك واحشنى يا عم انت
كل سنة وانت طيب
اول مره اجي هنا .. كلامك حلو . هحب اجي كتير .. تحياتي
كل عام وانتم بالف خير .. ورمضان كريم
.. ولا تنسونا من دعاؤكم في هذا الشهر الكريم
الصبر جميل
وكل سنة وانت طيب
مع ريحة الشتا
والكوفية الصوف
وملمس الجواكت الجلد
والانفاس السخنة
والكلام قدام بخار
فناجين القهوة
وديوان شعر
بيقرا فيه اتنين بالتبادل
والنيل على وشه هالة رضا
عشان اتنين اتجمعوا
على كلمة لبهاء جاهين
او فؤاد حداد
او امين حداد
او امل دنقل
او ريشة عود نصير
لسانا بنحلم بلقا
المرة دى البراح مش موجود بس بين السطور و بعضها .. لا .. البراح فى الكلام نفسه
بس بينى و بينك .. ريحة الشتا تعمل اكتر من كده ;)
إرسال تعليق
<< Home