وطن
وحشتني بجد
انا اللي عمري ما اخدت لبالي من تغير ارقام السنين على سبورة الفصل
البت دي وحشتني في ليلة راس السنة
واتمنيت اكون ساعتها في مصر
كنت هاخدها وننزل نتمشى في الشارع
واعزمها على الكفته اللي بتحبها
ومش بعيد كنا دخلنا سينما
مش عارف كنا هندخل اي فيلم
لان انا وهيا
بنحب افلام احمد حلمي
وهو ما منزلش حاجة في الفترة دي
وحشتني لدرجة اني رجعت من الشغل ادور على صورتها معايا في الشنطة
للاسف صورة واحدة ليها معايا
انا غبي بجد
ليه ما اخدتش صور تانيه ليها وانا راجع
وحشتني قوي
لما تيجي تقول لي
انت طيب قوي يا محمد
من يومين
اكتشفت انها تشبه ممثلة
شفتها في مسلسل مع نور الشريف وعبلة كامل
عرفت ان اسمها ياسمين جيلاني
بس برضه ما لقتش صور لياسمين
بخطط من دلوقتي
لما انزل الاجازة هعمل ايه
هشتري كاميرا مخصوص عشان اصورها صور كتير
ممكن نروح دريم بارك
واكيد احمد حلمي هيكون منزل فيلم ساعتها
ونروحه في سينما اوديون
ونطلع نجري من الشارع اللي ورا لغاية محطة المترو
وناكل كفته عند صبحي في جسر السويس
وناخد الكنبة اللي ورا في الميكروباص لوحدنا
عشان تعرف تنام كويس
اول مرة ندخل سينما سوا
ساعتها الفلوس اللي معايا كانت خلاص
فاطريت اني اخد من الفلوس بتاعتها
عشرة جنيه
ولغاية دلوقتي بتقول ان ليها عليا عشرة جنيه
مع اني دفعتها مية مرة
ليلة راس السنة
ومع اول لحظة من عمر السنة الجديدة
مسكت التليفون
وكلمتها
قلت لها
انتي اكتر حاجة وحشاني في الدنيا يا علا
ربنا يفرح الايام بيكي
****************************
تحديث
ردا على جميع الاعزاء اللي علقو
وكل قراء المدونة
بنشر صورة علا
صاحبة احلى ابتسامة في الدنيا
الصورة مسحوبة سكانر
وظالمة علا كتير
علا احلى من كل التصاويير
انا اللي عمري ما اخدت لبالي من تغير ارقام السنين على سبورة الفصل
البت دي وحشتني في ليلة راس السنة
واتمنيت اكون ساعتها في مصر
كنت هاخدها وننزل نتمشى في الشارع
واعزمها على الكفته اللي بتحبها
ومش بعيد كنا دخلنا سينما
مش عارف كنا هندخل اي فيلم
لان انا وهيا
بنحب افلام احمد حلمي
وهو ما منزلش حاجة في الفترة دي
وحشتني لدرجة اني رجعت من الشغل ادور على صورتها معايا في الشنطة
للاسف صورة واحدة ليها معايا
انا غبي بجد
ليه ما اخدتش صور تانيه ليها وانا راجع
وحشتني قوي
لما تيجي تقول لي
انت طيب قوي يا محمد
من يومين
اكتشفت انها تشبه ممثلة
شفتها في مسلسل مع نور الشريف وعبلة كامل
عرفت ان اسمها ياسمين جيلاني
بس برضه ما لقتش صور لياسمين
بخطط من دلوقتي
لما انزل الاجازة هعمل ايه
هشتري كاميرا مخصوص عشان اصورها صور كتير
ممكن نروح دريم بارك
واكيد احمد حلمي هيكون منزل فيلم ساعتها
ونروحه في سينما اوديون
ونطلع نجري من الشارع اللي ورا لغاية محطة المترو
وناكل كفته عند صبحي في جسر السويس
وناخد الكنبة اللي ورا في الميكروباص لوحدنا
عشان تعرف تنام كويس
اول مرة ندخل سينما سوا
ساعتها الفلوس اللي معايا كانت خلاص
فاطريت اني اخد من الفلوس بتاعتها
عشرة جنيه
ولغاية دلوقتي بتقول ان ليها عليا عشرة جنيه
مع اني دفعتها مية مرة
ليلة راس السنة
ومع اول لحظة من عمر السنة الجديدة
مسكت التليفون
وكلمتها
قلت لها
انتي اكتر حاجة وحشاني في الدنيا يا علا
ربنا يفرح الايام بيكي
****************************
تحديث
ردا على جميع الاعزاء اللي علقو
وكل قراء المدونة
بنشر صورة علا
صاحبة احلى ابتسامة في الدنيا
الصورة مسحوبة سكانر
وظالمة علا كتير
علا احلى من كل التصاويير
التسميات: الحياة حلوة
دونها أبوشنب @ ٢:١٩ ص
10 Comments:
حلوة قوى مشاعر الصداقه القويه دى وعموما لو على الكاميرا يا سيدى خد بتاعتى صورها بيها زى ما انت عاوز ربنا يخليكوا بعض
ربنا يخليكوا لبعض يااااااااارب
ايوة ياعم
ناس عايشة وناس لايصة
طب احمد ربنا انك معاك صورة
امال اللى مش معاة يعمل اية
كل سنة وانت طيب ياشنب
على فكرة علا بقيت اجمل بكتير من ياسمين مع انى مشوفتهاش من شهور
وانت احلى بكتير من احمد حلمى
وصبحي بتاع الكوفتة لسه في جسر السويس
مع ان كويك دور ارخص منه
الكنبة الاخيرة موعدكش انها تكون فاضية
فلو تقدر تجيب واحده معاك يكون احسن
ومتنساش مخدةتاكي علشان انا ابتديت انام في المواصلات
ذكريات جميلة فعلا
تظل في الوجدات
تحفر على جدران القلب
الحقيقة البوست ده رومانسي جداً
وانا أشعر هنا أنك توجه لها رسالة تقول فيها
اكتبيني في دفاترك عاشقاً
الذكريات دى بتيجى على بال الواحد علشان احساسه ساعتها بيكون عالى سوا حزن او فرح
انت اكيد كنت بتبقى سعيد اوى وقتها
ربنا يخليكم لبعض
بس ابقى احكى لنا ذكريات الجديدة و عجبكم الفيلم ولا لا
اه صحيح انا علقت على موضوع شارع و شباك .. معلش قديم شوية بس فعلا شدنى
تحياتى
بجد مشاعر جميله جدا
ربنا يرجعك بالسلامه يارب
ويخليكوا لبعض
جميل قوي البوست
ربنا يخليكو لبعض
---
كل سنة و أنت طيب
انا بحيك جدآ ياصاحبى على مشاعر الوفاء والاخلاص دى انا بالصدفة بدور على اخبار لفنانتى المفضلة واللى بعشقها قوى ياسمين جيلانى ويا سلام لو حلمى يتحقق واقابلها وناكل عالكورنيش زيك انت وعلا .... ياااه قلبت عليا المواجع ههه بجد انت راجل أصيل ويارب يقرب البعيد وتتقابل انت وعلا وتعيشوا فى سعادة لو مكتبالكم وعندى ليك مفجأة ياعاشق ياسمين جيلانى عاملة بروفايل عالفيس بوك وانا دخلت وطلبت الاضافة وضافتنى قد ايه بنى ادمة متواضعه وجميلة الشاشة ظلمت جمالهادى احلى مليون مره والبروفيل فيه صور كتير ليها لحد ما تشوف علا ياعم وابقى اتوسطلى عند القمر ياسمين اشوفها هاهاه :)
إرسال تعليق
<< Home