الى حضرة المهندز ابا الحاج احمد عز
الدوحة في 14 فبراير 2008
الاستاذ المهندس احمد بك عز
ولي امري
وولي امر كل الشباب الطافشين من البلد امثالي
تحية اجلال ونعمات وفتحية وام الخير
عزي العزيز
اعرفك انه باعت لكم مع الواد سيد ابو حسين مبلغ وقدره ستة الاف جنيه مصري عدا ونقدا
وهي كل ما قدرت استحصل عليه يا ابا الحاج احمد خلال الفترة الماضية
وده عشان عايز ابتدي اصب سقف المطرح بتاعي
حكم يا ابا الحاج احمد انا ناوي ادلى اجوز عالصيف الجاي
واوعدك يا ابا الحاج احمد ان كل مدخراتي ومستحوشاتي هتكون عندك اول باول لغاية اما نخلص السقف
انت عارف البت خضرة بت عمي احمد ابو اسماعين بت دلعة ونغشة
وامها النبوية محمد المرسي مشترطة ان بتها تسكن تحت سقف بالمسلح
زي كل بنات البندر
المقصد يا ابا الحاج
عشان ما اطولش عليك
وانا عارف ان وراك لجنة سياسات
ومجلس
وبلاوي متلتلة
دا غير العروسة الجديدة - ربنا يجعلها قدم السعد عليك ونشوف الحديد لما يبقى بعشر تلاف قادر يا كريم
غايته يا ابا الحاج احمد
العيال العفشة هنا قالت عليك كلام مش ولا بد
قالو عنك انك قليل اصل وهتاكل عليا فلوسي
ومش هترضى تصبر عليا في تمن الحديد المسلح
قلت لهم انتو اللي واطين وقلالات اصل
محدش يعرف المهندس احمد قدي
دا عز
وابن عز
ولا تمكن ابدا يقصر معايا في موضوع سخصي زي دون
دا قليل ان ما حسب كلفة السقف كلاته نقوطي في فرحي على البت خضرة بت عمي الحاج احمد ابوسماعين وخالتي النبوية المرسي
مختصر القول يا ابا الحاج احمد
مرسل لكم مع الواد السيد ابو حسين
مبلغ الستلاف جنيه تحويشة الاربع شهور اللي فاتو
وموبايل اوكيا بالسماعة الجيليت بلو توخاصته
وريسيفر تيشيتال من ابو شفرة مفكوكة واللي بيجيب تركيا واسرائيل
ربنا ينصرك على كل اللي يعاديك
ولا يطمع فيك ملط ولا زلط
ولا يشمت فيك عدو ولا حبيب
ويخليك عزنا وعزوتنا
التوكيع
واحد من رعاياك المتغربين
الاستاذ المهندس احمد بك عز
ولي امري
وولي امر كل الشباب الطافشين من البلد امثالي
تحية اجلال ونعمات وفتحية وام الخير
عزي العزيز
اعرفك انه باعت لكم مع الواد سيد ابو حسين مبلغ وقدره ستة الاف جنيه مصري عدا ونقدا
وهي كل ما قدرت استحصل عليه يا ابا الحاج احمد خلال الفترة الماضية
وده عشان عايز ابتدي اصب سقف المطرح بتاعي
حكم يا ابا الحاج احمد انا ناوي ادلى اجوز عالصيف الجاي
واوعدك يا ابا الحاج احمد ان كل مدخراتي ومستحوشاتي هتكون عندك اول باول لغاية اما نخلص السقف
انت عارف البت خضرة بت عمي احمد ابو اسماعين بت دلعة ونغشة
وامها النبوية محمد المرسي مشترطة ان بتها تسكن تحت سقف بالمسلح
زي كل بنات البندر
المقصد يا ابا الحاج
عشان ما اطولش عليك
وانا عارف ان وراك لجنة سياسات
ومجلس
وبلاوي متلتلة
دا غير العروسة الجديدة - ربنا يجعلها قدم السعد عليك ونشوف الحديد لما يبقى بعشر تلاف قادر يا كريم
غايته يا ابا الحاج احمد
العيال العفشة هنا قالت عليك كلام مش ولا بد
قالو عنك انك قليل اصل وهتاكل عليا فلوسي
ومش هترضى تصبر عليا في تمن الحديد المسلح
قلت لهم انتو اللي واطين وقلالات اصل
محدش يعرف المهندس احمد قدي
دا عز
وابن عز
ولا تمكن ابدا يقصر معايا في موضوع سخصي زي دون
دا قليل ان ما حسب كلفة السقف كلاته نقوطي في فرحي على البت خضرة بت عمي الحاج احمد ابوسماعين وخالتي النبوية المرسي
مختصر القول يا ابا الحاج احمد
مرسل لكم مع الواد السيد ابو حسين
مبلغ الستلاف جنيه تحويشة الاربع شهور اللي فاتو
وموبايل اوكيا بالسماعة الجيليت بلو توخاصته
وريسيفر تيشيتال من ابو شفرة مفكوكة واللي بيجيب تركيا واسرائيل
ربنا ينصرك على كل اللي يعاديك
ولا يطمع فيك ملط ولا زلط
ولا يشمت فيك عدو ولا حبيب
ويخليك عزنا وعزوتنا
التوكيع
واحد من رعاياك المتغربين
التسميات: الحياة حلوة
دونها أبوشنب @ ٥:٠٢ ص
9 Comments:
طن الحديد وصل خمس تلاف ومية النهاردة تسليم المخزن بدون نولون
انت تاخدها من قصيرها يا هندسة وتحت فى السقف خراطيم بلاستيك ( يراعى نطق كلمة بلاستيك صح مع فتح الباء )العيال البحاروة جربوها ونفعت مانت عارف ان سر الخرسانة باتع
لعلمك أنا معايا قرشين كدة كنت محوشهم أشترى بيهم سيخين حديد .. بس انت أولى يا راجل
خد يا عم ... الناس لبعضيها .. دول خمسمية جنيه اشتريلك بيهم سيخين ... و كله بثوابه
كده تقلب عليا المواجع يعنى ؟
كددده؟
يعنى الراجل بردو عاوز حوالى 16 طن حديد واضرب فى اربعه ونص بقى عشان يبنى البيت اللى هنتجوز فيه غير الطوب والاسمنت والرمل والزلط واجرة المقاول وغير التشطيب .. عاااااااااااااااااااااااااااااااااااااااااااااااااااااااااااااا وانا قاعده اقوله اصبر اصبر اصبر اصبر اصبر وانت تيجى تقلب عليا المواجع كده
انا بجد مش عارفه ليه كل حاجه غاليه كده ؟ هو طن الحديد بيكلفهم كام فى صناعته عشان يبيعوه ب4ونص؟ لو حد عارف يقولى
يتربى فى عزو حماده عزو أستاذ طول عمرة يا خويا.......ززز بس اقولك نصيحه كتبتها عندى فى البوست بخصوص الموضوع ده اشترى من اونكل بشاى ارخص وسيبك من عزو ده واطى واطى يعنى
الغلط مش فيه الغلط فى الشعب اللى قدر يقوم بثوره ويحرره البلد ودلوقتى خايف من الاعتقال والاسر وراضى بلقمة عيش ولا حتى يا حرام دا مفيش ولا رغيف عيش الا بالضرب والدموع للاسف صرختهم مكتومه لان محدش فى ايده غير كده ربناااااااااااااااااااااااااااااااا كبييييييييييييييييييييييييييير
كل ما تغلى حاجة لازم نستغنى عنها
سيب البيت سبور من غير سقف
و ركب جريد نخل في الشتا يبقى اوريجينال و رخيص في نفس الوقت
و بلاش تبقى تشيتال يا سيدي خليك انالوج
:)
هو لازم يعنى حكاية السقف المسلح دى
واله لو البت خضرة شارياك بجد
تقف قدام امها وتقولها انها مايفرقش معاها الكلام ده خالص
وانها بتشترى راجل
وتخلوا السقف جريد نخل ومش لازم مسلح ابدا
وربنا يجعله عامر
سلامااااات
اختك خيخة
اخر اخبار القاهره
طن الحديد ب 5800 ومش موجود في السوق ايلعاوز يجيبه ينزل السوء السوداه هيلقيه ب 6400 جنيه
وعجبي
يحيى الشناوي
ايه ده 6000 بس يا بني دانتا لحقت نفسك
هههههههههه
إرسال تعليق
<< Home