سر الخلطة
*على مسرح الدفنة بشيراتون الدوحة
كان الصوت والاحساس المصري شرين
يطرب المستمعين
في واحدة من ليالي مهرجان الدوحة
الذي اطلق عليه هذا العام
الليلة الكبيرة
احتفاءا برموز الفن المصري
*على ملعب كوماسي بغانا
كان محمد زيدان يطلق كرة قوية نحو المرمى
محرزا هدفه الاول في البطوله الافريقية
وهدف مصر الثاني ضمن رباعية غير متوقعة
امام اسود الكاميرون
*على جانبي السور الحدودي
الفاصل بين قطاع غزة ومصر
كان اكثر من 700 الف فلسطيني يعبرون الى داخل مصر
للحصول على احتياجاتهم الاساسية
في حماية الامن المصري
******************************
*في لحظات قدرية
كانت مصر دوما في صدارة الاخبار
دون ان يعرف كائنا من كان
عن سر الخلطة
التسميات: سياسة
دونها أبوشنب @ ٥:٤٢ ص
5 Comments:
دى الخلطه السحرية بتاعت مصر اللى ولدها او بعضهم مش حسين بجمالها ولا حنيتها دى الخلطه اللى مش عند اى شعب فى الدنيا دى مصر اللى ذكرت فى القرأن
فكرك احنا لسه عندنا سر الخلطة؟؟ يا خوفي يا بدران يجيي يوم و ينكشف السر
بس احب اوضح حاجة
كلمة مصر تعني المركز او البلدة الرئيسية و لما اتذكرت في القران مكنش المقصود منها مصر بتاعتنا دلوقتي
لان وقتها كان اسمها بلد القبط اللي اتحورت بعد كده و بقت
egypt
بس مصر حتفضل مصر سواء ذكرت ام لم تذكر في القران
تحياتي يا ابو شنب
قال صحيح هو انت حضرت الحفلة؟؟
هما ناويين يعملوا اوبريت الليلة الكبيرة و لا اسم المهرجان الليلة الكبيرة و السلام؟؟
افدني افادك الله
تحياتي
تاني
بس نفسى فى خبر مهم كده يخليها متصدره الاخبار
نجحت مصر فى هزيمة الجيش الاسرائيلى واستعادت الاراضى الفلسطينيه المحتله
نجحت مصر فى حل مشكلات البنيه الاساسيه
نجحت مصر فى حل مشكلة البطاله واصبحت نسبة التوظيف 100فى 100
اصبحت مصر من الدول الصناعيه الكبرى
كده يعنى حاجات مهمه مش غنا وكوره بلا خيبه
مقال جميل جدا .. أعجبنى جدا جدا
لك كل تحياتى يا عاشق الوطن
appy
يسلم بقك
هو ده الكلام
hafssa
انا ما قلتش احنا
انا بقول مصر
مصر يا ستي مش احنا
ومين يا ستو انا اللي فهمك
ان مصر ما كنش اسمها مصر
لا كان اسمها مصر من اول ما كانت مصر
طب انتي ما سمعتيش عن حديث النبي ص
بيبشر فيه بفتح مصر
طيب لو كنتي من الجماعة بتوع الاحاديث مش موثقة
ارجعي لسفر التكوين من العهد القديم
واللي بيذكر اسم مصر
ما علينا
انا ما قدرتش احضر الحفلة عشان الشغل
ولكن كنت بتابع في راديو العربية
مهرجان الدوحة بيعمل كل سنة احتفالية بدولة عربية
السنة دي كانت الليلة الكبيرة
ليلة مصر يعني
بس خلاص
ننوسة
يا ستي شوفي لك ضرس احشية
ولو ما فيش ضروس احشي بتنجان
نورتينا يا دكتورة
وبرضه الكورة والفن والهمبكة دية جزء من تاريخ مصر
والايام دول
يعني عمر ما فيه شعب ولا ارض هتسود العالم طول العمر
لكن احنا مستمرين رغم كل شئ
ابن حجر العسقلاني
شكرا يا باشا
وبعدين احنا عاملين جروب للدكتور علي جمعة على الفيس بوك
وانت ولا معبرنا
إرسال تعليق
<< Home